Author: د.محمد منصور

ماسألتش نفسك قبل كده:
ليه النصابين واللي بيتاجرو بآلام الناس وصحتهم هم اللي بيتشهرو.. وتتفتح لهم الشاشات والقنوات.. و يتابعهم الملايين.. وتلاقي لهم معجبين ومتابعين وناس بتدافع عنهم وماعندهمش استعداد يقبلو أي نقد لهم؟؟

الأسباب كتير.. بس في الحلقة دي.. هنفتح الموضوع بإني أقول لك ست أسباب بس كبداية..

أهلا بيك في قناة “الدكتور”

القناة دي مختلفة عن اي قناة طبية تانية ممكن تكون حضرتك شفتها على الانترنت..
لأن رسالتنا هنا هي توضيح الطب الحقيقي اللي ثبت بالدليل انه بيفيد البشر.. من النصب والوهم اللي بيتسوق له على انه طب مفيد او آمن او تراثي او قديم او الخ الخ بدون فايدة حقيقية..

وطبعا هتلاقي عندنا كتير من الفيديوهات اللي بتشرح الطب وبتبسطه بالشكل ((التقليدي)) لو حضرتك بتدور على ده..

الحلقة دي هي الأخيرة في حلقات بريد العيادة اللي تم تسجيلها الفترة اللي فاتت.. حاولت اجاوب فيها على أكتر أسئلة بتتكرر في تعليقاتكم..